MWENYEKITI wa Chama Cha Mapinduzi (CCM) Mkoa wa Simiyu Shemsa Mohammed (mwenye shati ya mikono mirefu) akitoa maelekezo mara baada ya kukagua sehemu korofi ya Barabara ya Ikungulyasubi-Dodoma yenye urefu wa kilometa saba.
Na COSTANTINE MATHIAS, Maswa.
KAMATI ya Siasa ya Chama Cha Mapinduzi (CCM) Mkoa wa Simiyu imewataka Wakala wa Barabara za Mjini na Vijijini (TARURA) wilaya ya Maswa Mkoani humo kuhakikisha wananatoa kazi ndogondogo za ujenzi wa barabara za mitaro kwa wananchi wazawa ili waweze kunufaika na fedha za serikali.
Akizungumza mara baada ya kukagua ujenzi wa barabara Ikungulyasubi-Dodoma yenye urefu wa kilomtea saba inayotekelzwa kwa gharama ya shilingi mil. 44.4, Mwenyekiti wa CCM Mkoa huo Shemsa Mohammed alisema Chama kinataka wazawa wapewe miradi midogomidogo ili waweze kunifaika.
‘’Tunataka wapewe wazawa kazi ndogondogo ambazo zinaweza kufanyika, hakikisheni bajati inayokuja izingatie mahitaji ili tusitengeneze barabara kila mwaka’’ alisisitiza Shemsa.
Awali Meneja wa Wakala wa Barabara za Mjini na Vijijini Wilaya ya Maswa (TARURA), Mhandisi Justine Lukaga alisema Barabara ya Ikungulyasubi-Dodoma ni mradi wa Matengenezo wenye urefu wa kilometa saba wenye gharama ya shilingi mil. 44.4 na walipata fedha kutoka Mfuko wa Barabara .
Alizitija changamoto za mradi kuwa eneo hilo lina udongo oevu na mbuga yenye kunata na kufanya shughuli kufanyika kwa shinda nyakati za mvua na pia wakati wakiangazi kuna uhaba mkubwa wa Maji kwa ajili ya matengenezo ya barabara.
Mkuu wa Mkoa wa Simiyu Dk. Yahaya Nawanda aliihakikishia Kamati ya Siasa ya Mkoa huo kuwa watamwona Mkurugenzi wa TARURA ili aweze kuwapatia fedha zaidi kwa ajili ya matengenezo maalum ya barabara hiyo.
‘
’ Mimi, Mbunge na Mkuu wa Wilaya tutakwenda kumwona Mkurugenzi wa TARURA ili atupatie fedha zaidi kwa ajili ya matengenezo maalumu ya Barabara hii ili wananchi waweze kunufaika na iweze kupitika muda wote’’ alisistiza Dk. Nawanda.
MWISHO.
MWENYEKITI
wa Chama Cha Mapinduzi (CCM) Mkoa wa Simiyu Shemsa Mohammed (wa kwanza
kulia) akiwa na baadhi ya viongozi wa Chama na Serikali, akitoa
maelekezo mara baada ya kukagua ujenzi wa barabara ya
Ikungulyasubi-Dodoma iliyojengwa na Wakala wa Barabara za Mjini na
Vijijini (TARURA) wilaya ya Maswa.
Sehemu Korofi ya Barabara inayounganisha Ikungulyasubi-Dodoma iliyojengwa na Wakala wa Barabara za Mjini na Vijijini (TARURA) wilaya ya Maswa ili kuwaondolea changamoto ya usafiri wananchi.
Mkuu wa Mkoa wa Simiyu Dk. Yahaya Nawanda akisikiliza kwa makini maelekezo ya Mwenyekiti wa CCM Mkoa wa Simiyu Shemsa Mohammed (katikati) mara baada ya kukagua ujenzi wa Barabara ya Ikungulyasubi-Dodoma iliyojengwa na Wakala wa Barabara za Mjini na Vijijini (TARURA) wilaya ya Maswa.
Mbunge wa Jimbo la Maswa Magharibi Mashimba Ndaki (kushoto) akiwa na Mkuu wa Mkoa wa Simiyu Dk. Yahaya Nawanda (wa pili kushoto) akifurahia jambo,wakati wakikagua ujenzi wa barabara ya Ikungulyasubi-Dodoma.
Mwenyekiti wa CCM Mkoa wa Simiyu Shemsa Mohammed akiwa na katibu wa CCM wilaya ya Maswa John Melele mara baada ya kukagua ujenzi wa Barabara ya Ikungulyasubi-Dodoma yenye urefu wa kilometa saba iliyogharimu shilingi mil. 44.
Post a Comment