 |
Kaimu Meneja wa Tarura wilaya ya Maswa,Mhandisi Francis Kuya akiwakilisha bajeti ya Tarura Kwa mwaka wa fedha 2023/2024 katika baraza la Madiwani wa Halmashauri ya Wilaya hiyo. |
 |
Baadhi wa Madiwani wa Halmashauri ya Wilaya ya Maswa wakiwa katika Kikao Cha Bajeti Kwa mwaka wa fedha 2023/2024 ambapo bajeti ya Tarura iliwasilishwa. |
Na Samwel Mwanga,Maswa.
WAKALA wa Barabara za
Vijijini na Mijini(TARURA)katika wilaya ya Maswa mkoa wa Simiyu katika
mwaka wa fedha 2023/2024 imekadiria kutumia kiasi cha Sh. Bilioni 4,226,273,478.26 kwa
ajili kukarabati, kufanyia matengenezo na kujenga mtandao wa Barabara Wilayani
humo.
Kaimu Meneja wa TARURA
wilayani humo Mhandisi Francis Kuya akiwakilisha bajeti hiyo kwenye Kikao
Cha Baraza la Madiwani amesema kuwa bajeti hiyo imezingatia vipaumbele
ambavyo ni pamoja na hali ya barabara,barabara zinazopita maeneo ya uzalishaji.
Vipaumbee vingine ni kuendeleza
maeneo ya miji yenye idadi kubwa ya watu,barabara ambazo serikali umeweka
miundombiniu mikubwa na vipaumbele vya barabara katika kila Kata
Akielezea mchanganuo
wa utekelezaji wa bajeti hiyo Mhandisi Kuya amesema kuwa Sh Bilioni 1.2 ni kutoka
mfuko wa barabara kwa ajili ya matengenezo ya barabara zenye urefu wa Km
141.21,Ujenzi wa mitaro ya maji ya mvua mita 800 na madaraja matatu.
Ameendelea kueleza Sh
Bilioni Moja kutoka mfuko wa Jimbo kwa ajili ya ujenzi wa barabara za lami
Maswa mjini kilomita moja,Ujenzi wa madaraja mawili,Ufunguzi na Ukarabati wa
Barabara Kwa kiwango cha changarawe Km 21.45
Pia Mhandisi Kuya
amesema kuwa Sh bilioni 2 kutokana na tozo za mafuta kwa ajili ya Ufunguzi na
Ukarabati wa Barabara km 92 na uwekaji wa taa za barabarani Maswa mjini na Sh
Milioni 216.2 ni fedha za utawala na Usimamizi wa miradi.
"Tumeziangalia
pia barabara za Vijijini katika bajeti hii na Kwa miradi ya matengenezo ya
kawaida Kuna barabara ya Isagenghe-Zabaza-Nyashimba,Masanwa-Buhungukila na
Mwasayi-Masela-Wigelekelo,"
"Barabara nyingine
ni pamoja na Bugarama-Mwabomba-Mwanundi,Isageng,he -Budekwa-Mwabaraturu na
Njiapanda-Muhida-Jihu,"amesema.
Mhandisi Kuya amesema
kuwa Matengenezo ya maeneo korofi,Matengenezo ya muda Maalum na Ujenzi wa
madaraja na Mitaro nayo yameguswa katika maeneo mbalimbali ya vijijini.
Amesema kuwa fedha
zinazotokana na tozo za mafuta zitafanya ukarabati wa barabara urefu wa
Km 47.00 Kwa Jimbo la Maswa Mashariki na barabara zenye urefu wa Km 45.00
katika Jimbo la Maswa Magharibi.
Baadhi ya
madiwani wakichangia bajeti hiyo walisema kuwa ni nzuri Kwa kuwa imegusa maeneo
mengi ya vijijini ambalo ndiko kuna changamoto kubwa ya miundombiniu ya
barabara.
"Ukiiangalia hii
bajeti kwa kweli ni nzuri kwa sababu imegusa maeneo mengi ya vijijini ambalo
huko ndiko kuna changamoto ya barabara na nyingi zinakuwa mbovu hivyo Kwa
Tarura kuwekwa nguvu huko ni kuonyesha walivyojipanga kuwahudumia wananchi wa
Wilaya ya Maswa,"amesema Jeremiah Shigala diwani wa Kata ya Zanzui.
Tarura katika wilaya
ya Maswa inahudumia mtandao wa barabara wenye jumla ya Km 1084.2 ambapo
barabara za changarawe ni Km 581.15,barabara za udongo ni Km 499.27 na barabara
za lami ni Km 3.78
MWISHO.
Post a Comment