M-mama yazinduliwa rasmi Simiyu.

 

Mkuu wa Kitengo cha M-Mama kutoka Kampuni ya mitandao Vodacom Rahma Bajum akizungumza na wadau wa Afya mkoani Simiyu (hawapo pichani) wakati wa uzinduzi wa Mfumo wa M-mama Mkoani humo.

Jinsi ya Mfumo wa M-mama unavyofanya kazi.

Na Derick Milton, Bariadi.

Mkoa wa Simiyu umezindua rasmi mfumo wa kuboresha huduma za rufaa na usafiri wa dharura kwa wajawazito waliojifungua na watoto wachanga ujulikanao kama M-MAMA ambao unatekelezwa na Ofisi ya Rais TAMISEM na wadau wa Afya.

Mfumo huo ambao kitaifa ulizinduliwa mwaka 2022 na Rais Dkt Samia Suruhu ambapo lengo lake ni kuhakikisha hakuna kifo cha mama mjamzito na mtoto mchanga kinatokea.

Ukiwa umenafanya kazi katika zaidi ya Mikoa sita mpaka sasa leo mfumo huo umezinduliwa rasmi mkoani Simiyu, ambapo wadau wa Afya wameeleza kuwa uwepo wa teknologia hiyo itsaidia sana kuboresha huduma za rufaa na za dharura.

 

Mkuu wa Mkoa huo Dkt. Yahya Nawanda amesema kuwa Mkoa wa Simiyu bado unakabiliwa na uwepo wa vifo vya mama wajawazito, ambapo ameeleza kuletwa kwa mfumo huo utasaidia katika mapambano ya vifo hivyo.

 

“ Takwimu zinaonyesha kuwa mwaka 2022 vifo vitokanavyo na uzazi 29 vimetokea, tatizo hili kwa mkoa bado ni kubwa, ni lazima kufikia vifo sifuri, na ili kufikia lengo hili watalaamu, wadau wote lazima twende kutekeleza mfumo huu kwa ufasaha,” amesema Dkt. Nawanda.

 

Dkt. Nawanda amesema kuwa Rais Dkt Samia amedhamilia kuhakikisha hakuna kifo hata kimoja kinatokea kwa sababu za uzazi, na ndiyo maana ameendelea kuboresha huduma mbalimbali za Afya ikiwemo kuleta mfumo wa M-Mama.

 

Daktari kutoka Ofisi ya Rais TAMISEMI Dkt. Majeda Kihulya amesema kuwa huduma za dharura kwenye vituo vya kutolea huduma za Afya zimekuwepo kwa muda mrefu lakini bado zimeendelea kukubwa na changamoto mbalimbali.

 

Amesema kuwa Baadhi ya Changamoto ni miumbombinu ya Barabara, mwitikio mdogo wa wananchi kuhudhulia kliniki, lakini pia wanawake wengine kuendelea kujifungulia majumbani, ambapo mfumo huo umelenga kutatua changamoto hizo.

 

Dkt. Kihulya amesema katika utekelezaji wa Mfumo huo, unaanzia ngazi za vituo vya Afya, ambapo usafiri wa serikali (Ambluance) na ule usafiri wa watu binafsi utatumika katika kuhakikisha huduma inatolewa haraka kwa mteja.

 

Mkuu wa Kitengo cha M-Mama kutoka Kampuni ya mitandao Vodacom ambao ni washirika katika mfumo huo Rahma Bajum amesema kuwa kupitia mfumo huo kiongozi yeyote wa Afya anaweza kuangalia jinsi mfumo unavyofanya kazi muda wowote akiwa ofisini.

“ Kuna wakati unaweza kukuta watu wameomba huduma, lakini hakuna ambaye ameshughulikia yale maombi, na kiongozi wa Afya wakati huo akaingia kwenye mfumo, akakutana na hiyo hali anaweza kusadia na huduma ikatolewa kwa haraka” ameeleza Bajum.

 

Mkuu wa Wilaya ya Meatu Fauzia Hamidu amesema kuwa kwenye eneo la vyombo vya moto vya watu binafsi vinavyotakiwa kuhusuka kusafirisha mgonjwa, ni vyema hata maeneo ya vijijini yakaangaliwa kwa umuhimu zaidi.

 

“ Watalaamu wametwambia kuwa yatatumika magari ya wagonjwa (Ambulance) na Pikipi za mataili matatu (bajaji) kwenye Wilaya zetu ambazo maeneo yake ni ya vijiji huo usafiri hautumiki sana, zinatumika pikipiki za mataili mawili, tunaomba huo mfumo uangalie zaidi na jambo hilo,” amesema Mkuu huyo wa Wilaya.

 

MWISHO.

 

Je, una Tangazo, Picha za Matukio, Taarifa au Habari ungependa tuichapishe? Tafadhali, wasiliana nasi 0746057557 au 0765402289 au Email : simiyupresstz@gmail.com