CCM BARIADI YAZINDUA KAMPENI UCHAGUZI MDOGO

 

Mgombea Udiwani kata ya Bunamla kupitia Chama cha Mapinduzi (CCM) Mkamba Zabron akiomba kura kwa wananchi wa kata hiyo, wakati wa uzinduzi wa Kampeini katika uchaguzi mdogo.

Wanachama wa Chama cha Mapinduzi (CCM) kwenye uzunduzi wa Kampeini uchaguzi mdogo kata ya Bunanhala, Halmashauri ya Mji wa Bariadi Mkoani Simiyu.

Wanachama wa Chama cha Mapinduzi (CCM) kwenye uzunduzi wa Kampeini uchaguzi mdogo kata ya Bunanhala, Halmashauri ya Mji wa Bariadi Mkoani Simiyu.

Chama Cha Mapinduzi (CCM) wilaya ya Bariadi mkoani Simiyu leo kimezindua rasmi kampeni za uchaguzi mdogo kata ya Bunamhala ili kuziba nafasi ya aliyekuwa diwani wa kata hiyo.

 

Uchaguzi huo unafanyika kutokana na kifo cha aliyekuwa diwani wa kata hiyo Samora  Nhola Nsuzi aliyefariki Januari 24,2023 wakati akipatiwa matibabu kwenye hospitali ya halmashauri ya mji wa Bariadi.

 

Akizindua kampeni hizo mwenyekiti wa CCM wilaya ya Bariadi Juliana Mahongo amesema nafasi inapokuwa wazi ni lazima uchaguzi ufanyike kuiziba ili wananchi wapate mtu wa kuwasemea.

 

"Shughuli ambazo marehemu Samora Nhola Nsuzi alikuwa amezianzisha na zingine ambazo zilikuwa bado zitaenda kumaliziwa na Nkamba  mpeni kura nyingine awatumikie wanabunamhala" Mahongo.

 

Kwa upande wake mgombea kupitia Chama Cha Mapinduzi (CCM) Nkamba Zabron amesema akichaguliwa kuwa diwani wa kata hiyo ataendeleza mambo mazuri ambayo yameachwa na aliyekuwa diwani wa kata hiyo. 

 

"Nitaendeleza yaliyoachwa na aliyekuwa diwani wetu na mengine yanayokuja nipeni kura zenu niwatumikie nawahakikishia wanabunamhala hamtajutia kura zenu" Zabron.

 

Awali mwenyekiti wa halmashauri ya mji wa Bariadi Elias Masanja amewaomba wanabunamhala kuchagua mtu sahihi wa kutatua changamoto zao.

 

"Wananchi wa Bunamhala naomba mridhie kwa moyo moja kwenda kumchagua Nkamba Zabron akawatumikie Nkamba ataenda kuwawakilisha vema na kutatua changamoto zenu kupitia Chama Cha Mapinduzi"Masanja

 

Aidha Masanja amesema majibu ya changamoto za wananchi wakiwemo wa kata ya Bunamhala  yapo kwenye Chama Cha Mapinduzi.

 

Uchaguzi huo unatarajiwa kufanyika Julai 13,2023 ili kumpata diwani ambaye ataenda kuwawakilisha wananchi wa kata hiyo.

 

Je, una Tangazo, Picha za Matukio, Taarifa au Habari ungependa tuichapishe? Tafadhali, wasiliana nasi 0746057557 au 0765402289 au Email : simiyupresstz@gmail.com