Na
Mwandishi wetu Simiyu.
Kesi ya Jinai Namba 59,
2023 inayomkabili Askari wa Kituo cha Polisi Bariadi Mkoani Simiyu H.4178 Abati
Benedictor anayedaiwa kumpiga hadi kumsababishia majeraha mtoto wake (07), jana
imeshindwa kuendelea kusikilizwa katika Mahakama ya Wilaya ya Bariadi baada ya Mashahidi upande wa Mashtaka
kushindwa kutokea mahakamani.
Katika kesi hiyo, upande wa Mashitaka
ulikuwa unaendelea kuwasilisha mashahidi wake, na jana ilikuwa zamu ya Afisa
Ustawi wa Jamii Hospitali ya Halmashauri ya Mji wa Bariadi Nance Joshua pamoja
na Mwalimu wa darasa la mtoto huyo Katendele Benadestina.
Mashahidi hao
walishindwa kutokea Mahakamani bila ya kutoa sababu za kufanya hivyo, licha ya kupewa taarifa
za kuhitajika katika kesi hiyo kwa ajili ya kutoa ushahidi wao, kupitia
Ofisi ya Ustawi wa Jamii Halmashauri ya mji wa Bariadi.
Hata hivyo baada ya
mashahidi hao kushindwa kutoa Mahakamani, Hakimu anayesikiliza kesi hiyo Caroline
Kiliwa alihairisha kesi hadi Novemba 27, 2023 huku akitoa angalizo la
kufuta kesi hiyo iwapo mashahidi hao watashindwa kufika mahakani tena.
Hii ni mara ya pili
Mashahidi hao kushindwa kufika Mahakamani kutoa ushahidi wao, ambapo mara ya
kwanza ilikuwa Novemba 02, 2023 hali iliyosababisha Hakimu kuahirisha kesi hiyo
hadi Novemba 14, 2023 ambapo pia hawakutokea tena Mahakamani.
Kwa mujibu wa Mwendesha
Mashitaka anayesimamia kesi hiyo kutoka Ofisi ya taifa ya Mashitaka Mkoa wa
Simiyu Rehema Safaku baada ya kesi kuahirishwa alieleza kuwa mashahidi hao kila
mmoja alipewa taarifa.
“ Kila Shahidi alipewa
taarifa na jana kabla ya kesi niliwasiliana nao tukakubaliana wafike mapema
Mahakamani, lakini nashangaa hadi kesi inaanza hakuna shahidi hata mmoja,
nimejaribu kuwatafuta kwenye simu wote hawapokei simu zangu,” alisema Sakafu.
Alipotafutwa Afisa
Ustawi wa Jamii Mkoa Daniel Mapunda alisema kuwa naye amepata taarifa za Afisa
wake kushindwa kutokea Mahakamani na kueleza kuwa bado hajapewa sababu za Afisa
huyo kufanya hivyo.
“ Hata mimi nashindwa
kuelewa nini tatizo, wakati taarifa alipewa mapema na akasisitizwa awepo
mahakani, lakini nashangaa kusikua hakutokea, nafuatilia kujua sababu za yeye kufanya
hivyo bila taarifa, isije kuonekana sisi ndiyo tunakwamisha hii kesi,” alisema
Mapunda.
Afisa Ustawi wa Jamii
Halmashauri ya Mji wa Bariadi Siwema Chungu alipoulizwa juu suala hilo, alisema
kuwa Afisa Ustawi aliyetakiwa kwenda mahakani alishindwa kutokea kwa sababu
hakuwa na taarifa ya wito (SORMOUS).
“ Hata sisi tulishangaa
kwa nini hakutokea Mahakamani wakati taarifa tulimpatia, tulimpomuuliza alisema
hakuwa na taarifa ya wito, tukamuuliza mbona ofisi ilikupatia taarifa??, akajibu
asingeliweza kwenda bila taarifa ya wito,”
Siwema amesema kuwa kwa
sasa wanatafuta barua yenye taarifa ya wito kutoka Ofisi ya Mashitaka kwa ajili
ya kumpatia Afisa huyo wa Ustawi, pamoja na Mwalimu ili wahudhurie Mahakamani
Novemba 27, 2023.
Askari huyo akabiliwa na
shtaka moja ambalo ni kumchapa mtoto wake kwa fimbo na kumjeruhi maeneo
mbalimbali ya mwili wake kinyume na kifungu Cha 169 A kifungu kidogo Cha 1 na
Cha 2 Cha Sheria ya kanuni ya adhabu sura 16 marejeo ya mwaka 2022.
MWISHO.
إرسال تعليق