KATIBU wa NEC, Itikadi, Uenezi na
Mafunzo Paul Makonda (wa kwanza kushoto kwenye mkokoteni) akiswaga punda wakati akiwasili kwenye Mkutano katika Mji wa Lamadi, kulia ni Mwenyekiti wa CCM Mkoa wa Simiyu Shemsa Mohammed na Mbunge wa Jimbo la Busega Saimon Songe.-Ataja changamoto ya Pamba na mkakati wa serikali kukabiliana na wanyamapori wanaoharibu mazao na makazi ya Wananchi.
Na COSTANTINE MATHIAS, Busega-Simiyu.
KATIBU wa NEC, Itikadi, Uenezi na Mafunzo Paul Makonda ameendelea na Ziara yake kwa Mikoa ya Kanda ya Ziwa ambapo ametua Mkoa wa Simiyu kwa kutumia usafiri wa Mkokoteni huku akitoa ufafanuzi wa masuala ya Pamba na mkakati wa serikali kukabiliana na wanyamapori.
Aidha, Makonda amesema Mkoa wa Simiyu unachangia zaidi ya asilimia 50 kwenye Pato la taifa kupitia kilimo cha zao la Pamba ambacho kimebea ajira na linakomboa wananchi.
Makonda ameyasema hayo leo (Novemba 13, 2023) wakati akiongea na wananchi wa Mkoa wa Simiyu katika mji wa Lamadi wilayani Busega ambapo alisema Mikoa ya kanda ya Ziwa ina fursa za Kilimo cha Pamba, Mifugo, Uvuvi, Madini na Utalii.
Aidha, Makonda amewataka wananchi kuunga mkono Royal Tour ya Rais Samia ili kuongeza utalii na kukuza kipato cha wananchi ambapo mkoa wa Simiyu unapakana na hifadhi ya Serengeti.
‘’Tunatakiwa kuwezesha utalii kwenye lango la hifadhi ya Serengeti, tutakuwa tunapisha na wazungu, kwani nini hatuna utalii, kwa nini hatujaunga mkono Royal tour ya Samia?’’ amehoji Makonda.
Kuhusu kilimo cha Pamba, Makonda amemuuliza Waziri wa Kilimo Hussein Bashe kuwa Serikali wana mpango gani kwenye pamba? Na pia wana mpango gani na maji ya ziwa Victoria ili kuendeleza Kilimo cha Umwagiliaji kama ulivyompango wa serikali.
Akitoa majibu ya Maswali hayo, Waziri Bashe, alisema Mkoa wa Simiyu unaozalisha 50% ya pamba yote nchini ambapo mwaka 2021/2022 Mkoa wa Simiyu walizalisha tani elfu 82, na mwaka 2022/2023 wamezalisha tani 140,000 kati ya tani 290,000 ya nchi nzima.
Bashe amesema serikali ina mpango wa kuendelea kutoa Ruzuku ya mbegu na dawa ambapo mwaka jana walitoa ruzuku ya mbegu tani elfu kumi na kuzigawa kwa wakulima wa mkoa wa Simiyu.
Amefafanua kuwa kwa mwaka jana, walitoa dawa zenye thamani ya shilingi Bil. 26 na mwaka huu wanatarajia kusambza dawa zenye thamani ya shilingi Bil. 36 ambazo zitagawiwa bure.
Ameongeza kuwa mauzo ya pamba katika Mkoa wa Simiyu ni shilingi Bil. 150 na kwamba ruzuku ilikuwa Bil. 36 ambapo lengo la serikali ni kuongeza uzalishaji kwa kutoa pembejeo bure.
Katika hatua nyingine, Waziri Bashe amesema Serikali kwa kushirikiana na Bodi ya Pamba imeagiza na kuanza kusambaza matrekta 200 ambapo hadi sasa matrekta 100 yameshafika nchini lakini pia wameshatoa ndege zisizo na rubani (drones) kwa ajili ya upuliziaji ili kundoa changamoto ya upuliziaji.,
Aidha, Waziri Bashe amesema bei ya pamba ilishuka kutokana na kushuka kwa soko la dunia, wakati huo mwaka jana bei ilikuwa shilingi 1500 kwa kilo moja ambapo serikali imekuja na mchakato wa kujenga kiwanda cha kuchakata nyuzi kati ya Simiyu na Shinyanga.
Kwa upande wake Waziri wa Maliasili ya Utalii, Angela Kairuki, amekiri Tembo kuuwa na kuvamia wananchi ambapo wanaendelea wanaendelea kuelimisha wananchi ili wajikinga na wanyama waharibifu na ikiwemo kufanya doria.
Ameongeza kuwa wanatumia helkopita na ndege zisozokuwa na rubani (drone) ili kuondoa wanyamapori kwenye makazi ya wananchi na serikali haitaki kuona wananchi wanapata madhara ya kimwili au vifo.
MWISHO.
Post a Comment