Vijiji vitano kupata umeme Bariadi.

 

Wananchi wa Vijiji vitano vya Ikinabushu, Isuyu, Nyawa, Mwauchumu na Gilya Kata ya Gilya Wilaya ya Bariadi Mkoani Simiyu wanatarajia kunufaika na mradi wa Umeme unatekelezwa na Serikali kupitia mkandarasi Sengerema Engeniering Group.

 

Meneja wa TANESCO Mkoa wa Simiyu Alistedia Clemence amesema mkandarasi huyo anatekeleza mradi huo katika vijiji 52 vya wilaya ya Bariadi na kwamba tayari ameshawasha umeme katika vijiji 27 na bado vijiji 25.

 

Amesema kuwa mkandarasi huyo anatekeleza miradi ya umeme katika Wilaya za Bariadi, Itilima na Busega kwa gharama ya shilingi bil. 30.

 

Ameongeza kuwa ujenzi huo unatarajia kukamilika  mwezi Juni mwaka huu, huku akiwataka wananchi kuunganisha umeme majumbani kwa gharama ya shilingi 27,000/- pia kutunza miundombinu ya umeme.

 

Mkuu wa wilaya ya Bariadi Lupakisyo Kapange amewataka wananchi kutochoma moto nguzo za Umeme na kwamba atakayebainika atachukuliwa hatua Kali za kisheria.

 

Amesema miradi ya Maendeleo ikiwemo umeme inaletwa na Serikali Kwa ajili ya kuharakisha maendeleo ya wananchi kiuchumi na kijamii ambapo kupitia umeme wanaweza kuanzisha Biashara.

Je, una Tangazo, Picha za Matukio, Taarifa au Habari ungependa tuichapishe? Tafadhali, wasiliana nasi 0746057557 au 0765402289 au Email : simiyupresstz@gmail.com