Migogoro ya kibiashara, Binafsi imalizwe kwa usuruhishi: Hakimu.

 

Maandamo wakati wa uzinduzi wa Wiki ya Sheria Mkoani Simiyu yaliyofanyika wiki iliyopita. (Picha Maktaba)

Mtendaji wa Mahakama Mkoa wa Simiyu Gasto Kanyailita, akifuatilia jambo wakati wa kilele cha maazimisho wiki ya sheria yaliyofanyika katika viwanja vya Mahakama ya Hakimu mkazi Mkoa wa Simiyu (Kulia) Hakimu Mahakama ya Wilaya ya Bariadi.

Watendaji wa Mahakama wakiwemo mahakimu wa Mahakama mbalimbali za Mkoa wa Simiyu, wakiwa kwenye hafla ya Kilele cha maazimisho ya Wiki ya Sheria nchini.

Watendaji wa Mahakama wakiwemo mahakimu wa Mahakama mbalimbali za Mkoa wa Simiyu, wakiwa kwenye hafla ya Kilele cha maazimisho ya Wiki ya Sheria nchini.

Na Derick Milton, Bariadi.

Imeelezwa kuwa kutokana na juhudi za serikali inazozifanya za kuweka mazingira mazuri na wezeshi ya Biashara na uwekezaji nchini na kuvutia wawekezaji wengi, hali hiyo imesababisha ongezeko la migogoro ya kibiashara na binafsi.

Kutokana na hali hiyo imeshauliwa migogoro hiyo kumalizwa kwa njia ya usuruhishi, ili kuweza kupata utatuzi wa haraka, kwa gharama nafuu, na wenye haki ili kuweza kukuza uchumi wa nchi.

Hayo yamesemwa leo na Hakimu mkazi mfawidhi Mahakama ya Mkoa wa Simiyu Martha Mahumbuga kwenye maazimisho ya kilele cha wiki ya sheria nchini yaliyofanyika kwenye viwanja vya Mahakama ya Mkoa.

Amesema kuwa kuwepo wa mazingira mazuri ya ufanyaji biashara kwa sasa nchini, na kuweza kuvutia wawekezaji wengi, imesababisha na migogoro ya kibiashara kuongezeka.

Amesema kuwa ni vyema wahusika kwenye migogoro hiyo kutumia njia ya usuruhishi kama njia sahihi na bora ya kuendeleza uchumi wa nchi na wa mmoja mmoja kwani njia hiyo ni rafiki kwa pande zote.

“ Ni ukweli usiopingika kuwa uchumi wa nchi yetu unaendelea vizuri na umefanyika kuwa endelevu …na hii imepelekea kuvutia wawekezaji wengi kuja nchini, na biashara kuwepo,” amesema Mhe: Mahumbuga

“ Kutokana na hali hiyo ya uwekezaji na biashara nchini, ni bayana kwamba kuna ongezeko la migogoro ya kibiashara na Binafsi, hivyo ni bora kutumia njia ya usuruhishi ili kuwa na utatuzi wa haraka, na gharama nafuu, na wenye haki kwa migogoro ya kibiashara na kila inapowezekana ili uchumi uendelee kukua haraka,”

Amesema kuwa lengo la mahakama kuwataka wananchi kutumia njia ya usuruhishi kwenye migogoro yao ni kutaka kuwa na jamii yenye amani, furaha na upendo.

MWISHO.

Je, una Tangazo, Picha za Matukio, Taarifa au Habari ungependa tuichapishe? Tafadhali, wasiliana nasi 0746057557 au 0765402289 au Email : simiyupresstz@gmail.com