Wananchi wa Kata ya Nkololo wilayani Bariadi mkoani Simiyu wakiwa kwenye Mkutano wa hadhara uliofanyika viwanja vya CCM kata ya Nkololo ambao uliandaliwa na Mbunge wa Jimbo la Bariadi Eng. Kundo Mathew.
MBUNGE wa
Jimbo la Mvumi Mkoani Dodoma Livingstone Lusinde akihutubia wananchi wa Jimbo la Bariadi katika mkutano wa hadhara uliofanyika kata ya Nkololo, mkutano ambao uliandaliwa na Mbunge wa jimbo hilo Eng. Kundo Mathew.
Na Costantine Mathias, Bariadi.
MBUNGE wa Jimbo la Mvumi Mkoani Dodoma Livingstone Lusinde alimaarufu Kibajaji amewataka Wananchi wa Jimbo la Bariadi kuhakikisha wanamtumia Mbunge wao Mhandisi Kundo Mathew kuwaletea maendeleo.
Amesema serikali ya awamu ya sita chini ya Rais Samia Imeendelea kumwamini kuwa Naibu Waziri wa Habari na Teknolojia ya Habari, hivyo wananchi wanatakiwa kumwamini zaidi na kuendelea kumtumia mpaka atoke Mvi.
Lusinde ameyasema hayo jana kwenye mkutano wa hadhara uliofanyika kijiji cha Nkololo kwa ajili ya kumshukuru Rais Samia Suluhu Hassan kwa kuendelea kutekeleza miradi ya maendeleo.
Amesema, serikali na Chama Cha Mapinduzi kinawashukuru wananchi kwa kumchagua Mhandisi Kundo Mathew ambaye ameendelea kuaminia na serikali kwa kupewa jukumu la kusimamia Wizara ya Habari na Teknolojia ya Habari.
‘’hawa ndio walikuza, hawa ndio walikusomesha, hawa ndio walikaa foleni kukupigia kura, leo wamekupa jukumu la kuwatumikia…mnapopata kijana mtumeni kazi, mpeni huyu mpaka atoke mvi, atumike sana’’ amesema Lusinde.
Mhandisi Kundo anatakiwa apende watu, awe na huruma, awe anatoka Chama chenye Serikali, ili aweze kuwahudumia wananchi kwa kuwaletea maendeleo.
Ameongeza kuwa CCM ilianzishwa kwa ajili ya ukombozi wa wananchi na Taifa la Tanzania tofauti na vyama au vikundi vinavyojitokeza wakati wa uchaguzi ili kupata madaraka.
“CCM ndio chama cha Nyerere, chama cha Mwinyi, chama cha Mkapa, cha Kikwete, Magufuli na leo ni chama cha Samia, kina watu wanaelezeka na historia yao ni ukombozi, tulikuwa na ukombozi kwenye utumwa na leo tuna ukombozi kwenye maendeleo’’ amesema Lusinde.
MWISHO.
MBUNGE wa Jimbo la Bariadi Eng. Kundo Mathew akihutubia wananchi wa jimbo la Bariadi katika mkutano wa hadhara uliofanyika kata ya Nkololo.
Mbunge wa Jimbo la Bariadi Eng. Kundo Mathew akifurahia kucheza mziki na wana CCM kwenye mkutano uliofanyika kata ya Nkololo.
MBUNGE wa Jimbo la Bariadi Eng. Kundo Mathew akihutubia
wananchi wa jimbo la Bariadi katika mkutano wa hadhara uliofanyika kata
ya Nkololo.
Je, una Tangazo, Picha za Matukio, Taarifa au Habari ungependa tuichapishe? Tafadhali, wasiliana nasi 0746057557 au 0765402289 au Email : simiyupresstz@gmail.com
إرسال تعليق