MWENYEKITI wa Chama Cha Mapinduzi (CCM), wilaya ya Bariadi Mkoani Simiyu, Juliana Mahongo (wa pili kushoto) akiwa ameambatana na Kamati ya Siasa ya wilaya hiyo wakikagua ujenzi wa sehemu ya kuuzia nyama za Mbuzi katika mnada wa Bariadi mjini, Kushoto ni Mkuu wa wilaya ya Bariadi.
Na COSTANTINE MATHIAS, Bariadi.
KAMATI ya Siasa ya Chama Cha Mapinduzi (CCM) wilaya ya Bariadi Mkoani Simiyu imeonyesha kuridhishwa na ujenzi wa Bucha ya nyama za mbuzi na vyoo katika mnada wa Bariadi mjini.
Mradi huo ambao utagharimu kiasi cha shilingi milioni 45 kutokana na mapato ya ndani, utahusisha pia mifumo ya maji ili kuweka mazingira mazuri na usafi kwa wafanyabiashara pia kuepusha magonjwa ya mlipuko.
Akizungumza jana mara badaa ya ukaguzi, Mwenyekiti wa CCM wilaya ya Bariadi, Juliana Mahongo aliwapongeza wasimamizi wa mradi huo huku akiwataka Halmashauri ya wilaya ya Bariadi kuiga mfano huo.
‘’Halmashauri ya wilaya, waige mfano huu..kuna vyoo vya kisasa na mabafu ya kisasa…Naagiza kwenye bajeti mtafute fedha mjenge kisasa kwa sababu mna kata nyingi ili matundu ya vyoo yaongezeke na tuzingatie wenye mahitaji maalumu, Dc simamia iwe hivi’’ alisema Mwenyekiti huyo.
Mkuu wa wilaya ya Bariadi, Saimon Simalenga alimhakikisha Mwenyekiti huyo kuwa atasimamia maelekezo ya chama na kwamba katika utawala wake, miradi yote itajengwa kwa kuzingatia ubora na viwango.
Awali Mkuu wa Idara ya Kilimo, Mifugo na Uvuvi, Halmashauri ya Mji wa Bariadi, Issa Mtweve alisema wamejenga sehemu ya kuuzia nyama (Bucha ya mbuzi) pamoja na vyoo kwa gharama ya shilingi mil. 45.
‘’Tunajenga miundombinu ili kuboresha utoaji wa huduma kwa wafanyabishara ambao awali walikuwa wanauzia kwenye vichanja vya miti…tutawasogezea huduma ya maji ili kurahisisha utaoji wa huduma’’ alifafanua Mtweve.
MWISHO.
MWENYEKITI wa Chama Cha Mapinduzi (CCM), wilaya ya Bariadi Mkoani Simiyu, Juliana Mahongo (wa pili kushoto) akikagua ujenzi wa vyoo katika mnada wa Bariadi, kushoto ni Mkuu wa Idara ya Kilimo, Mifugo na Uvuvi, Halmashauri ya Mji Issa Mtweve, kulia na Mkuu wa wilaya ya Bariadi Saimoni Simalenga.
Eneo la kuuzia nyama za Mbuzi katika mnada wa Bariadi.
MWENYEKITI wa Chama Cha Mapinduzi (CCM), wilaya ya Bariadi Mkoani Simiyu, Juliana Mahongo, akipita kukagua ujenzi wa miundombinu ya wauza nyama za mbuzi katika mnada wa Bariadi mjini.
Mmoja wa wauza nyama za mbuzi akimuuzia nyama, Mwenyekiti wa Chama Cha Mapinduzi (CCM), wilaya ya Bariadi Mkoani Simiyu, Juliana Mahongo alipotembea eneo hilo.
MWENYEKITI wa Chama Cha Mapinduzi (CCM), wilaya ya Bariadi Mkoani Simiyu, Juliana Mahongo, akiongea na wauza nyama za mbuzi katika mnada wa Bariadi jana.
إرسال تعليق